Operacioni i madh antidrogë i nisur nga Drejtoria për Hetimin e Trafikimit me Narkotikë nuk është ndalur vetëm në Prishtinë. Gazeta Sinjali mëson ekskluzivisht se bastisje janë duke u kryer edhe në lokacione të tjera, përfshirë komunën e Lipjanit.
Burime të sigurta bëjnë të ditur se në njërin nga lokacionet në Lipjan, është sekuestruar një sasi e substancës së dyshuar narkotike, por për momentin mbetet të konfirmohet zyrtarisht nga autoritetet policore.
Operacioni, që përfshiu edhe arrestimin e pesë personave dhe kapjen e 2.5 kg kokainë në Prishtinë, vazhdon të zgjerohet dhe konsiderohet një nga goditjet më serioze ndaj rrjeteve të narkotikëve këtë vit.
