Sot, në Gjermani, Huseyin A. u dënua me burgim të përjetshëm për vrasjen e boksierit shqiptar, Besar Nimani.
Lajmin e ka bërë të ditur gazetari Bahri Cani.
Gjykata e Bielefeldit ka njoftuar se Huseyin A., së bashku me një person tjetër që ende ndodhet në arrati, kishin planifikuar dhe realizuar vrasjen e Nimanit më 9 mars të vitit të kaluar.
Ata e goditën boksierin shqiptar me 16 plumba, duke e lënë të vdesë në vend.
Për dënimin e Huseyin A. me burgim të përjetshëm pati kërkesa nga avokati mbrojtës i familjes Nimani dhe Prokuroria e Qarkut, të cilët e konsideruan këtë masë të drejtë për krimin e rëndë që ai kishte kryer.
Ndërkohë, i dyshuari tjetër për bashkëkryerjen e vrasjes është ende në arrati, dhe autoritetet gjermane po vazhdojnë kërkimin për kapjen e tij.
