Kryetari i LDK-së, Lumir Abdixhiku dhe kryetari i LDK-së në Podujevë janë pritur sonte në takimin e organizuar nga afaristi i njohur i Llapit, Gazmend Zhitia.
Me këtë rast, Hyseni ka thënë se sonte, ata u rikthyen u fuqishëm në shtëpinë e tyre politike, në Lidhjen Demokratike të Kosovës!
Postimi i plotë i Ekrem Hysenit:
Rikthimi në Shtëpinë e vjetër
Rikthimi e Ringritja, janë bërë Një në Llap!
Sonte, së bashku me Kryetarin e LDK-së dhe Kryeministrin në ardhje, Dr. Lumir Abdixhiku, pas tubimit masiv në Shkollën “Ibrahim Rugova”, në qytet, vazhduam në takimin e organizuar nga afaristi i njohur i Llapit, Gazmend Zhitia.
Na e thanë qartë, na e thanë sinqerisht: Kanë votuar dikë tjetër, për çka shprehën keqardhje për gabimin që e kanë bërë para katër vitesh.
Sonte, ata u rikthyen u fuqishëm në shtëpinë e tyre politike, në Lidhjen Demokratike të Kosovës!
Nga sonte rrugëtojmë bashkë!
Kjo është RINGRITJA NË LLAP!
Familje të shumta, individë e afaristë të njohur gjithandej Llapit, tashmë janë bërë një me LDK-në.
Janë mobilizuar shumë e janë ringritur bashkë me ne që më 9 shkurt ta bëjmë ndryshimin!
Falemnderit për besimin!
Falemnderit për rikthimin!
LDK-ja, është shtëpia Juaj!
