Kalmari mbetet njëri nga qytetet më të bukura në Suedi. Bukuria e këtij qytetit të vjetër dhe bregdetar do të shtohet me investimin e dy shqiptarëve të suksesshëm atje.
Dy “maestro” të kuzhinës janë bërë bashkë për të sjellur diçka të bukur dhe të veçantë në këtë qytet.
Arsim Thaçi dhe Arben Bacaj kanë hapur restorantin “2krogare” në Kalmar duke shkrirë profesionalizmin e tyre në ushqime të ndryshme.
Të njohur për punën e tyre disavjeçare, Thaçi e Bacaj tani kanë filluar të servojnë ushqime nga më të ndryshmet në qytetin suedez, por edhe për komunitetin shqiptar që jeton atje.
Ata thonë se ka qenë plan i kahmotshëm i tyre një investim në gastronominë suedeze pas përvojës së gjatë dhe janë të bindur se me punë e përkushtim do të arrijnë qëllimet e tyre për të bindur klientët me ushqime të mira e kualitative.
