Kreu i qeverisë, Albin Kurti, ka zbardhur detaje nga deklarata skandaloze e presidentit të Serbisë, Aleksandar Vuçiq, në takimin e 2 majit në Bruksel.
Kurti ka thënë se Vuçiq është i obsesionuar me komandantin legjendar të Ushtrisë Çlirimtare të Kosovës, Adem Jashari, transmeton Raporto24.
“Kosova është shtet demokratik dhe vend properëndimor: kush integrohet, jeton më mirë. Serbët në Kosovë nuk kanë nevojë për çlirim nga Republika e Kosovës por nga veglat terroriste të Serbisë.
Vuçiq është i obsesionuar me kryekomandantin e UÇK-së, Adem Jasharin. Ai dëshironte që me 24 shtator ta shndërronte Manastirin Ortodoks të Banjskës në “Kullë të Jasharajve” për serbët e Kosovës! Në takimin e 2 majit në Bruksel na tha që Millan Radojçiq do të bëhet Adem Jashari i serbëve. Por, duke qenë diktator, ai s’e kupton historinë: epopeja dhe çlirimi nuk fabrikohen dhe as s’kopjohen”, shkroi ai.
