Policia e Kosovës ka bërë të ditur se ka filluar ndërtimin e një stacioni policor në Zubin Potok, me qëllim të përmirësimit të infrastrukturës dhe ofrimit të shërbimeve më të mira për komunitetin e zonës.
Ky projekt është pjesë e vizionit të Policisë së Kosovës për ruajtjen e rendit kushtetues dhe sigurimin e qetësisë publike për të gjithë qytetarët, pa dallim.
Nga policia mohojnë pretendimet, si ai i Listës Serbe se synim përmes ndërtimit të stacionit të ri është tensionimi i situatës.
“Stacioni Policor dhe zyrtarët policorë që do të punojnë aty (Zubin Potok), do t’i shërbejnë tërë komunitetit që jeton në atë zonë dhe nuk ka të bëjë me qëllime tjera siç spekulohet nga individ apo subjekte politike serbe”, thuhet në kumtesë, përcjell KlanKosova.tv.
Më tej theksohet se për ndërtimin e stacionit janë kaluar të gjitha procedurat.
