Ngjarja që ndodhi sot në Pejë, tronditi vendin. Edmond Lajqi e privoi nga jeta bashkëshorten e tij, Gjyljeta Ukella, duke e qëlluar me armë në banesën e tyre.
Raporto24 ka mësuar se Lajqi u dorëzua vet në Polici dhe raportoi për krimin ndaj bashkëshortes.
Drejtori i Policisë së Kosovës, Gazmend Hoxha ka arritur në Pejë, në vendin ku u vra Gjyljeta.
Prokurori i krimeve të rënda, Ersan Qavolli tha para mediave se vrasja ka qenë makabre dhe se rasti është shumë i ndjeshëm.
Ende nuk dihet nëse tre fëmijët e çiftit kanë qenë në banesë në momentin e krimit.
