Numri i të vdekurve në Haxhin e këtij viti ka kaluar 1000, dhe më shumë se gjysma ishin pelegrinët e paregjistruar që bënë pelegrinazhin në një vapë ekstreme në Arabinë Saudite.
Haxhi, koha e të cilit përcaktohet nga kalendari hënor islamik, po zhvillohet këtë vit gjatë verës së nxehtë saudite.
Turma të mëdha u formuan në zonën e Mekës pasi rreth 1.8 milionë myslimanë u mblodhën për këtë ngjarje.
Në rrjetet sociale janë shfaqur foto dhe video të pelegrinëve të sëmurë dhe disa që i janë nënshtruar të nxehtit ekstrem.
Në një video tronditëse të shpërndarë në rrjetet sociale, shihet një makinë që mban shumë kufoma të mbuluara për t’u varrosur.
