Dy të lënduar e pesë të arrestuar nga përleshja mes tifozëve në ndeshjen Fushë Kosova – Vushtrria

Një rrahje e rëndë ka ndodhur sot mes tifozëve të Fushë Kosovës dhe atyre të Vushtrrisë në ndeshjen e Ligës së Parë.

Në pamjet e publikuara shihet se në këtë përleshje mes “Pampurave” dhe “Forcave” të Vushtrrisë janë përdorur edhe thika.

Lajmin për Sinjalin e ka konfirmuar edhe zëdhënësja e policisë për rajonin e Prishtinës, Flora Ahmeti, ku tha se janë lënduar dy persona gjatë rrahjes si dhe Policia ka arrestuar 5 të dyshuar.

VIDEO👇

“Sot rreth orës 15:00, në Stadiumin “Ekrem Grajçevci” në Fushë Kosovë, gjatë një ndeshje futbolli, ka ndodhë një incident, ku tifozët janë përleshur gjuajtur mes vete me mjete të forta, me ç ‘rast janë lënduar 2 prej tyre. Pas vënies nën kontrollë të situatës, policia në koordinim me prokurorin e shtetit, kanë nisë një hetim për incidentin. Deri tani janë  arrestuar pesë persona të dyshuar”, u shpreh Ahmeti.

Video👇

https://raporto24.com/video-rrahje-e-rende-mes-tifozave-te-fushe-kosoves-dhe-atyre-te-vushtrrise-para-policise-perdoren-edhe-thika/

Ndeshja u ndërpre për mbi gjysmë ore për shkak të kësaj ngjarjeje.

VIDEO/ Rrahje e rëndë mes tifozave të Fushë Kosovës dhe atyre të Vushtrrisë, para policisë përdorën edhe thika