Papa Françesku la shtratin e spitalit për tu kthyer në Vatikan. Siç ishte premtuar, ai fillimisht u shfaq në dritaren e spitalit Gemelli për një përshëndetje të shkurtër për besimtarët më pas u largua për t’u kthyer në Vatikan, pas 37 ditësh shtrimi në spital.
Ati i Shenjtë, shpjegoi ekipi mjekësor të shtunën, “asnjëherë nuk ishte intubuar, ai ishte gjithmonë vigjilent” edhe pse kishte “dy episode në të cilat jeta e tij ishte në rrezik”. Tani e presin dy muaj rikuperim
Papa doli në ballkonin e Gemelli në një karrige me rrota, i veshur me rrobën e tij të bardhë papale. Zëri i tij dukej se ishte përmirësuar në krahasim me regjistrimin e parë dhe të vetëm të javëve të fundit, gjatë të cilit, në spanjisht, ai donte të falënderonte besimtarët për lutjet e tyre.
Me dorën e tij më pas skicoi një bekim duke bërë shenjën e kryqit.
Teksa u largua nga spitali ai mbante në hundë një tub oksigjeni për ta ndihmuar me frymëmarrjen
