Dita e sotme ka nisur me energji pozitive për disa nga banorët e “Big Brother VIP 4”. Egli, Kelly, Aldo, Loredana dhe Gerta kanë kënduar e kërcyer me njëri-tjetrin.
Por në një moment Gerta u përlot dhe pranë saj qëndroi Loredana, e cila e përqafoi dhe u mundua që t’a bënte të qeshte.
Teksa në sfond ishte kënga “E duam lumturinë”, Gerta ka shpërthyer në lot pasi i janë kujtuar dy djemtë e saj.
“Janë krenarë për ty”, i tha Loredana banores e cila këndonte me lot në sy.
Gerta ditën e sotme theu kutinë e emergjencës për të pasur një telefonatë me djemtë e saj, por për fatin e saj të keq në zarf shkruhej se këtë telefonatë duhet t’ia jepte një banori tjetër.
Ajo zgjodhi Aldon, i cili shprehu se telefonatën do që ta bëj me ish-partneren e tij me të cilën ka dhe një vajzë.
Kujtojmë se Gerta ka patur mundësi që t’i shikojë dy djemtë, por pa i takuar. Ata u bënë pjesë e sfidës së mos reagimeve dhe hynë në shtëpinë më të famshme në Shqipëri.
Dy djemtë qëndruan në oborr duke luajtur me top, ndërkohë Gerta ishte në living dhe i shikonte në led. Banorja vetëm qante dhe nuk e theu rregullin që të shkonte dhe t’i takonte.
