Inter ka marrë një fitore të rëndësishme në garën për titullin kampion në Serie A, duke mposhtur Udinesen me rezultatin 2-1.
Zikaltërit e nisën ndeshjen furishëm dhe kaluan në avantazh që në minutën e 12-të me anë të Arnautovicit, shkruan Gazeta Express.
Presioni i Interit vazhdoi dhe në minutën e 29-të, Davide Frattesi dyfishoi shifrat.
Në pjesën e dytë, Udinese u përpoq të reagonte dhe arriti të ngushtonte diferencën në minutën e 71-të me një gol të Solet, duke rihapur ndeshjen. Megjithatë, Interi menaxhoi mirë minutat e mbetura dhe siguroi tre pikë të çmuara.
Pas kësaj fitoreje, Interi kryeson Serie A me 67 pikë, duke lënë pas Napolin me 61 pikë dhe një ndeshje më pak. Ndërkohë, Udinese renditet në vendin e 10-të me 40 pikë.
Ky sukses e afron Interin edhe më shumë me objektivin e madh të sezonit – titullin kampion në Itali.
