Kryetari i PDK-së, Memli Krasniqi, ka akuzuar Lëvizjen Vetëvendosje për bllokadën në konstituimin e Kuvendit të Kosovës, duke e quajtur të pakuptimtë insistimin e Albin Kurtit për ta mbështetur Albulena Haxhiun si kandidate për kryetare të Kuvendit, pavarësisht mungesës së votave.
Krasniqi ka thënë se në demokracitë e zhvilluara, ndryshimi i kandidatit madje ndodh edhe gjatë fushatës zgjedhore.
Ai përmendi një shembull të freskët nga Shtetet e Bashkuara të Amerikës.
“Në vende shumë më të zhvilluara se vendi ynë në situata politike të caktuara ndërrohen kandidatët edhe në mes të garës. Vetëm vitin e kaluar ju e dini që SHBA Partia Demokratike ka ndërruar kandidatin e tyre që ka qenë president i vendit në garën presidenciale dhe kjo s’është parë diçka e jashtëzakonshme. Ky insistim i Kurtit për Haxhiun është i pakuptimtë dhe si duket është pasiguria e tij në faktin tashmë të njohur që s’i ka numrat për shumicën parlamentare”, tha Krasniqi para mediave.
Ai e cilësoi situatën në Kuvend si të papranueshme, dhe tha se kjo që po ndodh në Kuvend është e tepërt dhe po e pengon ecjen tutje të vendit.
Kryetari i PDK-së, Memli Krasniqi, ka akuzuar Lëvizjen Vetëvendosje për bllokadën në konstituimin e Kuvendit të Kosovës, duke e quajtur të pakuptimtë insistimin e Albin Kurtit për ta mbështetur Albulena Haxhiun si kandidate për kryetare të Kuvendit, pavarësisht mungesës së votave.
Krasniqi ka thënë se në demokracitë e zhvilluara, ndryshimi i kandidatit madje ndodh edhe gjatë fushatës zgjedhore.
Ai përmendi një shembull të freskët nga Shtetet e Bashkuara të Amerikës.
“Në vende shumë më të zhvilluara se vendi ynë në situata politike të caktuara ndërrohen kandidatët edhe në mes të garës. Vetëm vitin e kaluar ju e dini që SHBA Partia Demokratike ka ndërruar kandidatin e tyre që ka qenë president i vendit në garën presidenciale dhe kjo s’është parë diçka e jashtëzakonshme. Ky insistim i Kurtit për Haxhiun është i pakuptimtë dhe si duket është pasiguria e tij në faktin tashmë të njohur që s’i ka numrat për shumicën parlamentare”, tha Krasniqi para mediave.
Ai e cilësoi situatën në Kuvend si të papranueshme, dhe tha se kjo që po ndodh në Kuvend është e tepërt dhe po e pengon ecjen tutje të vendit.
