Rruga “Nekibe Kelmendi”, në lagjen “Veternik” të Prishtinës, e cila u përurua me bujë nga kryetari i Komunës, Përparim Rama, në tetor të vitit 2024, tashmë është dëmtuar në disa segmente, duke ngritur shqetësime për cilësinë e punimeve të kryera,shkruan Raporto24.com
https://x.com/raporto24/status/1923853156292673682?t=hsvSPq-_RYdWdOAAAyyVLA&s=19
Sipas pamjeve të siguruara nga Raporto24, në disa pjesë të rrugës – kryesisht në afërsi të kapakëve të kanalizimeve – është pre dhe dëmtuar asfalti. Shoferët raportojnë vështirësi në qarkullim dhe ankesa për çarje që po rrezikojnë automjetet dhe sigurinë në trafik.
Rruga, e cila u promovua si një prej projekteve model të komunës, u prezantua nga zyrtarët komunalë përmes videove dhe njoftimeve në rrjete sociale, si një investim i rëndësishëm për infrastrukturën e qytetit. Në deklaratën zyrtare të kryetarit Rama në ditën e përurimit thuhej:
2024
“Me drejtorin e Investimeve Kapitale dhe Menaxhimit të Kontratave, Krenar Xhaferi, hapëm zyrtarisht për qarkullim rrugën ‘Nekibe Kelmendi’ në Veternik. Kjo rrugë, e gjatë 1.7 kilometra, është transformuar plotësisht pas ndërhyrjeve infrastrukturore, duke u zgjeruar dhe asfaltuar. Tani përfshin: shteg për biçikleta, trotuare në të dy anët për sigurinë e këmbësorëve. Vazhdojmë me punë të mira dhe transformimin e kryeqytetit.”
2025
Por zhvillimet e fundit e vënë në pikëpyetje cilësinë e punimeve dhe mbikëqyrjen e projektit. Deri tani, nuk ka ndonjë reagim zyrtar nga komuna për dëmtimet e paraqitura në media,shkruan Raporto24
Banorët e lagjes dhe qytetarët presin një përgjigje të shpejtë nga autoritetet për të sqaruar çështjen dhe për të siguruar ndërhyrjet e nevojshme për riparimin e rrugës./Raporto24/
