No menu items!

Albin Kurti për stadiumin e Gjilanit: “Punët e mira vetëm vonim kanë, jo shpëtim”

Kryeministri në detyrë i Kosovës, Albin Kurti, ka reaguar me entuziazëm pas nënshkrimit të kontratës për ndërtimin e stadiumit të qytetit në Gjilan, duke e cilësuar këtë si një zhvillim shumë të rëndësishëm për sportin dhe vendin.

Në një postim në rrjetet sociale, Kurti shkroi:

“Punët e mira dhe të mbara, vetëm vonim se shpëtim nuk kanë. Stadiumi i Gjilanit po bëhet. Lajm shumë i mirë për sportin, qytetin e shtetin. Edhe për Lojërat Mesdhetare 2030. Le të nisin punimet sa më parë!”

Ky reagim vjen pasi Ministria e Rinisë, Kulturës dhe Sportit nënshkroi kontratën për fillimin e punimeve për stadiumin e ri, një projekt që ka qenë i shumëpritur nga sportdashësit e Gjilanit dhe gjithë rajonit lindor të Kosovës.

Kryeministri në detyrë theksoi se ky investim nuk është vetëm infrastrukturor, por ka rëndësi të madhe strategjike dhe identitare për qytetin dhe sportin kosovar, veçanërisht në kuadër të përgatitjeve për Lojërat Mesdhetare 2030, të cilat Kosova synon t’i organizojë në bashkëpunim me Shqipërinë dhe Maqedoninë e Veriut.

Pritet që punimet të fillojnë së shpejti, ndërsa ky projekt shihet si një nga zhvillimet më të mëdha sportive në komunën e Gjilanit në dekadat e fundit./GazetaExpress/

Të fundit

LEXONI GJITHASHTU

Raporto24
Përmbledhje e privatësisë

Kjo faqe përdor cookie në mënyrë që t'ju ofrojmë përvojën më të mirë të shfletimit. Informacioni i cookie-ve ruhet në shfletuesin tuaj dhe kryen funksione të tilla si t'ju njohë kur ktheheni në faqen tonë dhe ndihmon ekipin tonë të kuptojë se cilat pjesë të faqes ju duken më interesante dhe të dobishme.