Situata në Lindjen e Mesme ka hyrë në një fazë kritike, ndërsa Shtetet e Bashkuara kanë vendosur bombarduesit strategjikë B-52 pranë Iranit, në kuadër të një përshkallëzimi të mundshëm ushtarak. Ish-presidenti amerikan Donald Trump është thirrur urgjentisht në Shtëpinë e Bardhë për një mbledhje të jashtëzakonshme në Sallonin e Situatës.
Sipas raportimeve të mediave ndërkombëtare, Trump po shqyrton disa opsione, përfshirë edhe një goditje ajrore ndaj objektivave iraniane. Vendosja e bombarduesve B-52 shërben si sinjal force dhe paralajmërim ndaj Teheranit.
Një ish-shef i Mossad-it ka deklaruar se nëse Irani vazhdon me avancimin e programit të tij bërthamor, “bombarduesit e Trump-it do të rrafshojnë regjimin e mullave”, duke paralajmëruar një përgjigje të ashpër ushtarake.
Trump, në postime të fundit në platformën e tij, ka thënë se SHBA dhe Izraeli kanë nën kontroll hapësirën ajrore iraniane dhe ka kërkuar “dorëzim të pakushtëzuar” nga Teherani.
Vendimi që pritet të merret brenda orëve të ardhshme mund të ndryshojë rrjedhën e zhvillimeve në Lindjen e Mesme dhe të përcaktojë nëse Shtetet e Bashkuara do të përfshihen drejtpërdrejt në konfliktin aktual./Raporto24/
