Kryeshefi ekzekutiv i Korporatës Energjetike të Kosovës (KEK), Gramos Hashani, ka deklaruar se nuk ka të dhëna të sakta nëse ndonjëherë më parë është shënuar prodhim më i ulët i energjisë elektrike se sa sot.
> “Mund të ketë pasur edhe më herët raste të tilla, por nuk kam informacion të saktë nëse ky është prodhimi më i ulët ndonjëherë,” ka thënë Hashani.
E gjithë kjo situatë po ndodh në kohën kur vetëm një nga njësitë prodhuese të KEK-ut është në operim, duke prodhuar rreth 130 megavatë – që mbulojnë vetëm rreth 10% të konsumit ditor në vend,shkruan Raporto24
Sot, më 20 qershor 2025, mund të jetë dita kur KEK-u ka prodhuar më së paku energji që nga paslufta.
Për të plotësuar mungesën, KESCO është detyruar të importojë energji, e cila pritet të kushtojë mbi 2 milionë euro në ditë, bazuar në çmimet e bursës./Raporto24/
