Një rast i dhunës në familje është raportuar të dielën në Prishtinë rreth orës 10:50, ku një burrë kosovar dyshohet se ka sulmuar fizikisht dy anëtarë të familjes së tij pas një mosmarrëveshjeje.
Të dy viktimat kanë kërkuar ndihmë mjekësore për shkak të lëndimeve të pësuara, ndërsa i dyshuari është arrestuar nga policia.
Pas intervistimit, dhe në konsultim me prokurorin e rastit, ai është liruar në procedurë të rregullt, ndërsa rasti është duke u trajtuar nga organet kompetente./Raporto24/
