Pejë, 22 qershor 2025 – Sinjali mëson ekskluzivisht se Policia e Pejës ka arrestuar personin e dyshuar për grabitjen e ndodhur më 21 qershor në rrugën “Konferenca e Bujanit”, ku cak i sulmit ishte një barnatore.
Burime nga hetimet konfirmojnë se pas një pune intenzive operativo-hetimore, më 22 qershor është arrestuar I.M., 37 vjeç, banues në Pejë. Ai është ndaluar në shtëpinë e tij, ku gjatë kontrollit në dhomën e gjumit janë gjetur dhe konfiskuar rrobat që kishte veshur gjatë grabitjes.
Grabitja ishte kryer ndaj punëtores A.H., 22 vjeçare. Policia ka siguruar prova materiale që e lidhin të dyshuarin me vendin e krimit.
Me urdhër të Prokurorit të Shtetit, I.M. është ndaluar për 48 orë, ndërsa hetimet janë në zhvillim e sipër në koordinim me organet e drejtësisë.
