Shoqata e Kosovës për Kërkim-Shpëtim (SHKKSH) ka njoftuar se operacioni i zhvilluar në fshatin Gorozhup, Komuna e Prizrenit, është përmbyllur me sukses.
Personi i raportuar si i zhdukur, me inicialet N.T., është gjetur i gjallë dhe në gjendje stabile shëndetësore.
Ky aksion u realizua përmes një bashkëpunimi të ngushtë ndërinstitucional. Përveç ekipit të SHKKSH-së, në terren ishin të pranishëm edhe Agjencia për Menaxhimin e Emergjencave (AME) dhe Policia e Kosovës, të cilët dhanë kontribut të rëndësishëm në mbarëvajtjen e operacionit./Raporto24/
