Presidentja e Kosovës, Vjosa Osmani, ka përshëndetur arritjen historike të Nëntogeres Vesa Ibrahimi, oficere e Forcës së Sigurisë së Kosovës, e cila u bë gruaja e parë nga jashtë Shteteve të Bashkuara që diplomoi në Ranger School, një nga trajnimet më sfiduese dhe prestigjioze të Ushtrisë Amerikane
Në një postim të saj, Osmani shkruan:
“Një kapitull i ri i shkruar me guxim dhe përkushtim! Nëntogere Vesa Ibrahimi, oficere e Forcës së Sigurisë së Kosovës, ka hyrë në histori si gruaja e parë nga jashtë Amerikës që ka diplomuar ndonjëherë në Ranger School, një nga trajnimet më sfiduese dhe prestigjioze të Ushtrisë Amerikane.
Kjo arritje e jashtëzakonshme është fitore për Forcën e Sigurisë së Kosovës, për shtetin tonë, si dhe për çdo vajzë që ëndërron t’i prijë rrugës së shërbimit ndaj atdheut.
Urime, Nëntogere Ibrahimi! Kosova është krenare me ty dhe me të gjitha vajzat dhe djemtë tanë në uniformë!”
