Finalja e edicionit të tretë të spektaklit Ferma VIP u zhvillua të hënën mbrëma, duke kurorëzuar një rrugëtim të gjatë me shpalljen e fitueses, shkrimtares dhe poetes së njohur Mimoza Ahmeti.
Menjëherë pas finales, u organizua edhe festa përmbyllëse e sezonit, ku u mblodhën ish-fermerët, opinionistët dhe i gjithë ekipi realizues që ka punuar gjatë muajve të spektaklit.
Megjithatë, vëmendja u zhvendos shpejt nga festa te një mungesë e madhe: moderatorja e programit Arbana Osmani dhe partneri i saj, regjisori Eduart Grishaj, nuk u panë askund në event.
Sipas të pranishmëve, kjo mungesë ishte e papritur dhe e pashpjeguar. “Të gjithë i prisnin, por nuk erdhën,” është shprehur një burim për Prive By Liberta Spahiu.
