Pas shpërthimit të djeshëm në Zubin Potok, sot Policia e Kosovës ka zhvilluar aksion duke arrestuar 8 persona të dyshuar për akte kriminale në veri të vendit.
Në konferencën e jashtëzakonshme të Policisë së Kosovës, minsitri i Brendshëm, Xhelal Sveçla tha se hetuesit janë duke verifikuar rolin e secilit person që është arrestuar në aksionin e sotëm.
Hetuesit tanë janë duke kryer hetime për të verifikuar të gjitha faktet dhe rolin e secilit të arrestuar”, tha Sveçla.
Drejtori i policisë, Gazmend Hoxha, ka thënë se u mbetet organeve të hetuesisë të përcaktojnë implikimin e të arrestuarve në shpërthimin në Zubin Potok dhe në akte të tjera kriminale.
Shumica e personave në të cilët sot është kryer kontrolla e tyre janë persona të dyshimtë të ndërlidhur me mbrojtjen civile, që nga Qeveria e Kosovës është shpallur organizatë terroriste, mund të ketë lidhje edhe me kryeterroristin Radojciqin. Mbetet punë e organeve të hetuesisë që të përcaktojë rolin, angazhimin dhe implikimin e secilit veç e veç në këtë akt kriminal por edhe në akte tjera të mundshme kriminale”, tha Hoxha.
