Një aksident i rëndë trafiku ka ndodhur sot në mëngjes në rrethin që lidh Fushë Kosovën me autostradën drejt aeroportit të Prishtinës. Në aksident janë përfshirë disa automjete, përfshirë edhe një kamion dhe vetura të cilat, sipas dëshmitarëve, janë rrotulluar në vendin e ngjarjes,shkruan Raporto24
Dyshohet për persona të lënduar, por ende nuk ka konfirmim zyrtar për numrin apo gjendjen e tyre. Njësitë e Policisë së Kosovës kanë dalë në vendin e ngjarjes dhe kanë bllokuar qarkullimin për të zhvilluar hetimet dhe për të mundësuar ndihmën për të lënduarit.
Shkaqet e aksidentit janë ende të paqarta, ndërsa hetimet janë në zhvillim./Raporto24
