No menu items!

Aksident në Kroaci: Një i vdekur dhe tre të lënduar, vetura me targa shqiptare shkrumbohet nga flakët

Një i vdekur dhe tre të lënduar është bilanci i një aksidenti të rëndë që ka ndodhur pasditen e djeshme në Kroaci, në një pikë karburanti.

Rasti ka ndodhur në autostradën A1 pranë Mosorit, ku e përfshirë në aksident ishte e përfshirë edhe një veturë me targa shqiptare e tipit Citroen, e cila u shkrumbua nga flakët.

Mediat kroate, raportojnë se një veturë e tipit BMW, ishte përplasur me gjeneratorin e kësaj pike të karburantit, me ç’rast ishte shkaktuar një zjarr i madh.

Në vend vdiq shoferi i BMW-së, i cili u dogj brenda veturës, derisa thuhet se janë edhe tre të lënduar rëndë që janë dërguar për trajtim në spitalin e Splitit.

Po ashtu nga zjarri, janë djegur edhe disa vetura që gjendeshin aty afër.

Kjo u konfirmua edhe nga Ministri i Brendshëm i Kroacisë, Davor Bozinoviq.

Identiteti i të lënduarve si edhe viktimës nuk është bërë i ditur, derisa dyshohet se deri tek përplasja ka ardhur si pasojë e përgjumjes së shoferit në timon.

Të fundit

LEXONI GJITHASHTU

Raporto24
Përmbledhje e privatësisë

Kjo faqe përdor cookie në mënyrë që t'ju ofrojmë përvojën më të mirë të shfletimit. Informacioni i cookie-ve ruhet në shfletuesin tuaj dhe kryen funksione të tilla si t'ju njohë kur ktheheni në faqen tonë dhe ndihmon ekipin tonë të kuptojë se cilat pjesë të faqes ju duken më interesante dhe të dobishme.