Një aksion i gjerë anti-drogë është duke u zhvilluar në Kroaci, ku janë përfshirë disa dhjetëra persona të lidhur me krime të abuzimit me drogën.
Punonjësit e Policisë nga Zyra Kombëtare e Policisë për Luftën e Korrupsionit dhe Krimit të Organizuar dhe Departamenti i Policisë Split-Dalmaci, në bashkëpunim me Zyrën për Luftën kundër Korrupsionit dhe Krimit të Organizuar, kanë nisur operacione policore që nga mëngjesi i sotëm.
Sipas njoftimit të Ministrisë së Brendshme të Kroacisë, aksionet janë zhvilluar në disa rajone të ndryshme.
“Veprimet urgjente dëshmuese janë duke u zhvilluar në rajonet e Split-Dalmacisë, Zagrebit, Primorje-Gorski Kotar, Istria, Shibenik-Knin, Zadar dhe Dubrovnik-Neretva dhe në aksione marrin pjesë 250 policë nga disa degë të policisë, thuhet në njoftimin e MPB-së.
Në operacionin që ka përfshirë 250 policë, janë arrestuar deri më tani rreth 40 persona, raportojn mediat kroate atje.
