Policia e Kosovës në Ferizaj ka nisur procedurat hetimore ndaj dy personave për mbajtje të paautorizuar të armëve, pas një aksioni të zhvilluar më 16 maj nga Njësiti i Hetimeve të Stacionit Policor në këtë qytet.
Gjatë kontrollit të zhvilluar në disa lokale në rrugën “Fan Noli”, në zbatim të një urdhërese të Gjykatës Themelore në Ferizaj, tek i dyshuari S. S. (42 vjeç) është gjetur një pistoletë me leje pronësie, por pa leje për mbajtje, si dhe 10 fishekë. Armët ndodheshin në automjetin e tij.
Ndërkohë, tek i dyshuari tjetër, E. J. (36 vjeç), janë gjetur një kafkë pistolete, një spirale pistolete dhe 7 fishekë.
Prokurori i shtetit ka autorizuar inicimin e rastit për veprën penale “Mbajtja në pronësi, kontroll ose posedim të paautorizuar të armëve”. Të dyshuarit janë intervistuar dhe më pas janë liruar në procedurë të rregullt, ndërsa armët dhe municionet janë sekuestruar nga policia./IndeksOnline/
