Angelina Jolie, aktorja e njohur amerikane, ka njoftuar për librin e saj “Njihni të drejtat tuaja dhe kërkoni ato”, për librin e saj ka shkruar edhe në shqip, përpos në gjuhë tjera si atë angleze, polake e moldavisht.
Ajo ka thënë se libri është publikuar edhe në Kosovë e Shqipëri.
“Për t’i kërkuar të drejtat tuaja, duhet t’i njihni ato. Neni 42 i Konventës për të Drejtat e Fëmijëve i detyron qeveritë të sigurohen që fëmijët dhe prindërit të jenë të vetëdijshëm për parimet dhe të drejtat e mbrojtura me konventë. Jam e lumtur që libri ynë për të drejtat e të rinjve tani është publikuar në Shqipëri, Kosovë, Poloni, Rumani dhe Moldavi, dhe ua dërgoj respektin tim të gjithë aktivistëve/eve që mbrojnë të drejtat e fëmijëve në rajon dhe që përdorin të drejtën e tyre të jenë të zëshëm”, ka shkruar ajo në Instagram. /Gazeta Express
