Arsenali dëshiron të përforcojë sulmin në afatin e ardhshëm dhe në listën e tij prioritare është sulmuesi slloven, 20-vjeçari Benjamin Sesko.
Klubi londinez e nisi mirë sezonin, por në terma afatgjatë i mungon zgjidhja reale për pozicionin e qendërsulmuesit.
Kështu, sipas Daily Express mund të jetë futbollisti i RB Leipzigut dhe përfaqësuesi standard në skuadrën e Matjaz Kekut, Sesko, si zgjedhja ideale.
Gjegjësisht, anglezët i cilësojnë Eddie Nketiah, Gabriel Jesus dhe Leandro Trossard si zgjidhje të përkohshme, ndërsa Sesko që njihet “Haalandi slloven”, duhet të jetë një zgjidhje afatgjatë për sulmin e Arsenalit.
✍️ Arsenal are weighing up a move for RB Leipzig forward Benjamin Sesko
🇸🇮 The 20-year-old has scored nine goals for club and country since his summer move from Red Bull Salzburghttps://t.co/e0bAy9DjAY pic.twitter.com/ZGiv2O9HNC
— Mirror Football (@MirrorFootball) November 1, 2023
Klubi gjerman thuhet se kërkon rreth 50 milionë euro për të dhe më parë për të ishin interesuar Chelsea dhe Manchester United.
Sesko u rrit në klubin Domzale, por si 16-vjeçar ai mbërriti në shkollën e të rinjve të Red Bull Salzburgut, ku më vonë pasoi Erling Haaland në ekipin e parë.
Slloveni është një lojtar me predispozita të shkëlqyera fizike pasi është 194 centimetra i gjatë, njësoj si norvegjezi. Ai ka shënuar gjashtë gola në 13 ndeshje këtë sezon. /Telegrafi/
