Interesimi i Barcelonës për Nico Williams e ka vënë në pikëpyetje të ardhmen e tij, ndërsa Athletic Bilbao me fjalët e drejtuesve katalan janë ndjerë të zhgënjyer shumë dhe kanë reaguar.
Williams ka qenë një yll në Euro 2024 së bashku me shokun e skuadrës spanjolle Lamine Yamal, pasi një numër i tillë klubesh kanë treguar interes për anësorin e Athletic Bilbaos.
Me Barcelonën në krye të listës së klubeve të interesuara, shumë pyetje i janë drejtuar anësorit bask nga mediat në lidhje me të ardhmen e tij, pavarësisht se ai ka përsëritur se ai ka një kontratë me Athletic Bilbaon deri në verën e vitit 2027.
Presidenti i skuadrës baske, Jon Uriarte tani lëshuar një mesazh,në lidhje me ‘bombardimin’ dhe pyetjet drejt lojtarit të tyre.
Deklarata e Uriarte u publikua në mediat sociale të Athletic Bilbao, ku thuhej: “Nico, një futbollist shumë i përkushtuar ndaj Athletic Bilboas, i është nënshtruar një bombardimi pyetjesh për të ardhmen e tij në një mënyrë të tepruar dhe të pakontrolluar, kur ai është i përqendruar në garë në Euro 2024 për Federatën Spanjolle të Futbollit, të cilën nuk ka mundur ta mbrojnë”.
Në deklaratën e gjatë, Uriarte nënvizoi se klubi ka aftësi të mbajë çdo lojtar në radhët e veta.
“Athletic Bilbao është e aftë ekonomikisht, socialisht dhe sportivisht të mbajë në strukturën e tij futbollistë të përmasave të atyre të përmendurve, përfshirë edhe Nico Williams”, deklaroi ai.
Objektivat kryesore të Barcelonës për këtë verë janë një sulmues i majtë dhe një mesfushor, dhe presidenti i tyre Joan Laporta, tashmë ka adresuar interesin e klubit për Williams.
