Tifozët e Manchester United janë tallur me ofertën e raportuar të Barcelonës për një nga lojtarët e tyre.
Trajneri i ri i katalunasëve, Hansi Flick, po kërkon përforcime përpara rihapjes së afatit kalimtar të verës.
Ai ka identifikuar një lojtar të klasit botëror dhe gjithashtu ka vënë syrin te një yll i Man United.
Kjo sipas gazetës spanjolle El Nacional, Flick dëshiron të ndërtojë mesfushën e tij rreth Kobbie Mainoo dhe gjigantët katalanas kanë bërë një ofertë.
Thuhet se Barca ka paraqitur ofertë dhjetë milionë euro plus Raphinhan në marrëveshje shkëmbimi për Mainoo.
Megjithatë, oferta e propozuar nuk ka shkuar mirë mes tifozëve të Man United në rrjetet sociale pasi ata i kanë bërë të qarta ndjenjat e tyre.
Një përdorues i X shkroi: “Barcelona mund ta blejë atë vetëm në FIFA”. Një i dytë argumentoi: “Ata e vlerësojnë Raphinhan në 70 milionë, kështu që nuk është edhe aq keq”.
Një i tretë shtoi: “Kjo është oferta me të cilën do të qeshësh”. Një i katërti tha: “Haha brokelona, çfarë po mendojnë?”.
Mainoo, shijoi një edicion mahnitës pasi bëri 32 paraqitje në të gjitha garat. Ai u bë një lojtar jetik nën Erik ten Hag pasi luajti kundër Everton në Goodison Park.
Mesfushori i talentuar gjithashtu shënoi gola kundër Liverpoolit dhe Wolves.
Duket jashtëzakonisht e pamundur që Man United të dëgjojë ndonjë ofertë për Mainoo, i cili është i destinuar për një periudhë të gjatë në Old Trafford.
