Berisha nga Fushë-Kruja: Më 11 maj, votoni për Shqipërinë Madhështore – Nuk do njihen taksat e vendosura nga janari
FUSHË-KRUJË – Kryetari i Partisë Demokratike, Sali Berisha, gjatë një takimi elektoral të mbajtur në Fushë-Krujë, u shpreh se “drita e fitores” po ndriçon zemrat dhe mendjet e mbarë shqiptarëve. Përballë qindra qytetarëve dhe mbështetësve demokratë, Berisha theksoi se kryeministri Edi Rama “nuk guxon të dalë para popullit” për të bërë bilancin e qeverisjes së tij dhe se fushatën e zhvillon me stile të tejkaluara.
“Rama nuk del dot para jush, sepse si asnjë sulltan, bleu në oborr 5 milionë euro instilacion me peshk ekzotik për të engledisur sytë e tij. Ndaj tani kërkon të bëjë hokatarin, bën fushatë veçmas me gratë, si në vitet ’50 kur komunistët ndanin burrat nga gratë në mbledhje,” u shpreh Berisha.
Gjatë fjalës së tij, lideri i opozitës bëri publike dhe një listë me taksat që do të hiqen ose ulen pas ardhjes në pushtet të demokratëve. Ai theksoi se asnjë taksë e vendosur nga 1 janari e deri më sot nuk do të njihet.
“U bëj thirrje të gjitha bizneseve, të vogla, të mesme e të mëdha: mos paguani asnjë taksë të vendosur nga 1 janari e këndej. Janë vetëm taksa elektorale. Me qeverinë e re, ato nuk do të njihen asnjëherë,” deklaroi Berisha.
Një tjetër premtim i rëndësishëm iu drejtua fermerëve shqiptarë, të cilëve u garantoi subvencione për çdo bagëti, fidan dhe njësi prodhimi. Ai gjithashtu premtoi ulje të taksave dhe të çmimit të energ
