Zëvendëskryeministri në detyrë, Besnik Bislimi, është intervistuar në Prokurorinë Speciale të mërkurën lidhur me hetimet rreth dhënies me qira të fabrikës për përpunimin e nënprodukteve shtazore nga Ministria e Bujqësisë.
Pas rreth dy orësh brenda Prokurorisë, në dalje, Bislimi nuk ka folur para mediave. E avokati i tij ka thënë shkurt se intervistimi “ka shkuar mirë”.
Ministri në detyrë i Bujqësisë, Faton Peci, e ka përmendur Bislimin për çështjen e funksionalizimit të kësaj fabrike.
E në fund të majit, Prokuroria Speciale urdhëroi bastisje në katër lokacione të ndryshme në Prishtinë e Ferizaj lidhur me dyshimet për keqpërdorim të kontratës për dhënien me qira të këtij impianti. Ministri Peci ishte intervistuar në cilësinë e të dyshuarit. Pos tij, qe intervistuar edhe kryeshefi i Agjencisë së Ushqimit dhe Veterinës, Bekim Hoxha.
Pas intervistimit, Peci pati thënë se ka vepruar në interes të publikut.
