Fotografitë e rezidencës së Lionel Messit japin një pasqyrë të re në jetën e tij luksoze që kur nënshkroi për Inter Miami – dhe nuk është çudi që ai kurrë nuk del nga shtëpia.
Sulmuesi ikonë bleu pronën prej dhjetë milionë eurosh në shtator me ndihmën e firmës së pasurive të paluajtshme, ‘Team Simpki’, vetëm disa muaj pasi nënshkroi për MLS të David Beckham.
Pasuria e tij në Fort Lauderdale përfshin 10 dhoma gjumi, një suitë VIP dhe dy porta varkash, duke i siguruar Messit hapësirë të bollshme për të argëtuar shokët e tij të skuadrës.
Duke jetuar si pjesë e një komuniteti të mbyllur në Bay Colony, shtëpia e Messit ndodhet në një ishull, me një pishinë dhe me pamje nga horizonti i Fort Lauderdale.
Kapiteni i Argjentinës ka rrëfyer se ai ende nuk e ka eksploruar siç duhet shtëpinë e tij të re në Miami, megjithatë, duke zgjedhur të kalojë pjesën më të madhe të kohës larg fushës në shtëpi me gruan e tij, Antonella Roccuzzo, dhe tre djemtë e tyre.
“Jo, e vërteta është se as ne nuk dalim shumë”, ka treguar Messi për Infobae kur u pyet për stilin e jetës së tij.
“Ne jetojmë në zonën ku ndodhet klubi dhe kemi një udhëtim të shkurtër për në Miami. Ne dalim, kemi dalë nja dy herë, por unë ende nuk e di mirë”
Messi, 36 vjeç, po përgatitet për të ndihmuar Argjentinën të mbajë Kupën e Amerikës këtë verë, por nuk do të jetë larg shtëpisë me turneun që do të mbahet në ShBA. /Telegrafi/
