Kryetari i Podujevës, Shpejtim Bulliqi, ka reaguar ashpër ndaj lajmeve që, sipas tij, janë shpërndarë nga faqe propaganduese të afërta me LDK-në, të cilat raportojnë se ai është vetaksidentuar.
Në një reagim të publikuar, Bulliqi i ka cilësuar këto raportime si shpifje të ulëta dhe të qëllimshme shkruan Bulliqi trasmeton Raporto24
“Lajmet që po shpërndajnë faqet propaganduese të telallëve të LDK-së në portale fiktive, se unë jam vetaksidentuar, janë shpifje të ulëta dhe të qëllimshme për të shqetësuar familjarët dhe miqtë e mi. Ju jeni të mjerë, të pabesë dhe të ligë – nuk njihni asnjë normë morale e as njerëzore,” ka thënë Bulliqi.
