Dizajneri shqiptar, Festim Isufi, u gjet pa shenja jete në banesën e tij më 9 maj.
Kjo ngjarje tragjike ka tronditur Kosovën, ndërsa ka pasur reagime të shumta e versione të ndryshme rreth vdekjes.
Lidhur me rastin është deklaruar për herë të parë edhe vëllai i të ndjerit, duke dhënë disa detaje pas atyre komenteve që u bënë.
I njëjti theksoi se nuk e fajëson bashkëshorten e tij, Rinën dhe se ajo është pjesë e familjes së tyre.
“Ne e dimë të vërtetën që ai ma nuk jeton, janë tu u marrë policia e prokuroria edhe besoj që shumë shpejt del rezultati. Familja nuk e fajëson Rinën edhe ne nuk e kemi fajësu kërkon se nuk e dimë çka ka ndodh, absolut është e pa vërtetë. Edhe sipas neve momentalisht Rina është pjesë e familjes tonë përderisa nuk ka diçka konkrete ajo ka me mete gjithmonë qashtu”, tha ai.
Tutje shtoi se Rina e di të vërtetën dhe se do t’i tregojë të gjitha në prokurori e polici.
“Na kemi pas komunikim, nuk e dimë sen çka u bo, Rina besoj e di të vërtetën edhe ka fol me prokurorinë”, ka thënë ai për Kosova Today. /Telegrafi/
