Policia e Kosovës ka raportuar për disa raste të dhunës në familje të ndodhura në komuna të ndryshme të vendit gjatë datave 5 dhe 6 korrik 2025.
Në Prishtinë, më 5 korrik rreth orës 23:00, është raportuar një rast dhune në familje, ku një mashkull kosovar dyshohet se ka ushtruar dhunë ndaj një femre shtetase të huaj. Me vendim të prokurorit, rasti do të vazhdojë të trajtohet në procedurë të rregullt.
Një tjetër rast është raportuar në Lipjan, më 6 korrik në orën 18:48, ku një mashkull kosovar dyshohet për ushtrim dhune ndaj dy femrave kosovare. Palët janë intervistuar dhe prokurori ka vendosur që rasti të ndiqet në procedurë të rregullt.
Në Graqanicë, më 6 korrik rreth orës 11:00, është raportuar për dhunë në familje ku viktima dhe i dyshuari janë të dy meshkuj kosovarë. Prokurori është njoftuar dhe njësitet relevante po hetojnë rastin.
Në Obiliq, më 5 korrik në kohë të pacaktuar (NN), është raportuar një tjetër rast dhune ku viktima femër ka marrë trajtim mjekësor pas incidentit. I dyshuari është mashkull kosovar.
Ndërkohë, në një tjetër rast në Lipjan, më 6 korrik rreth orës 17:17, një mashkull kosovar është arrestuar nën dyshimin për kanosje ndaj një femre kosovare. Pas intervistimit, ai është dërguar në mbajtje me vendim të prokurorit.
Autoritetet kanë theksuar rëndësinë e raportimit të menjëhershëm të rasteve të dhunës dhe inkurajojnë qytetarët të kërkojnë ndihmë në rast nevoje. /Telegrafi/
