Drejtori Rajonal i Policisë në Gjakovë, Lumni Graishta, është shprehur krenar për parandalimin e një sulmi famëkeq nga Policia e Kosovës, gjegjësisht nga ata që veprojnë në territorin e Gjakovës, duke arrestuar disa serbë, prej të cilëve të dyshuar edhe që kishin lidhje me sulmuesit e Banjskës.
“Edhe kësaj radhe, si shumë herë më parë, djem e vajza që me devotshmëri i shërbejnë atdheut triumfuan përballë strukturave shtetërore kriminale serbe në zbulimin e hershëm, parandalimin dhe pamundësimin e operacioneve të tyre famëkeqe”, ka shkruar Graishta.
Postimi i plotë:
Gjakova, djepi i kulturës, shembulli i emancipimit shoqëror, e pashoqe në dashurinë për atdheun, e pamatshme për vigjilencën e kujdesin për të ardhmen e racës sonë, krenare për atë që ishte, e përkushtuar për atë që na pret.
Edhe kësaj radhe, si shumë herë më parë, djem e vajza që me devotshmëri i shërbejnë atdheut triumfuan përballë strukturave shtetërore kriminale serbe në zbulimin e hershëm, parandalimin dhe pamundësimin e operacioneve të tyre famëkeqe në zonën tonë të përgjegjësisë
Krenar e mirënjohës pa fund për secilin polic e police të DRP Gjakovë për vigjilencën e angazhimin e tyre në shërbim të atdheut.
