Deputetja Duda Balje ka ngritur padi për shpifje ndaj analistit Sadri Ramabaja. Përfaqësimi ligjor i znj. Balje po bëhet nga avokati Fanol Krasniqi.
Përmes një postimi në Facebook, Krasniqi ka ndarë dy fotografi nga padia – faqen e parë, ku përshkruhet objekti dhe natyra e çështjes, si dhe faqen e pestë dhe të fundit, ku paraqiten kërkesat konkrete të znj. Balje ndaj të paditurit. Ai thekson se kjo çështje është me rëndësi të veçantë dhe pasqyron peshën që ka fjala në hapësirën publike.
Në fund të postimit përmendet firma ligjore FRK Law Firm, si dhe bashkëpunëtorët Lavdrim Salihu, Muhamet Mehmeti dhe Jetesa A. Abazaj.
