Një ngjarje tragjike ka ndodhur gjatë orëve të natës në fshatin Banjë të Malishevës, ku një person i moshës 75-vjeçare ka humbur jetën si pasojë e një aksidenti në shtëpinë e tij, raporton Gazeta Sinjali.
Burime të sigurta bëjnë me dije se i ndjeri është rrëzuar brenda shtëpisë, ku ka humbur ndjenjat në vend. Familjarët kanë tentuar të japin ndihmën e parë dhe kanë kërkuar ndihmë mjekësore, por fatkeqësisht, mjekët kanë konstatuar vdekjen e tij në vendin e ngjarjes.
Policia ka dalë në vendin e ngjarjes dhe, nën koordinim me Prokurorin e Shtetit, ka ndërmarrë të gjitha procedurat e nevojshme për rast.
