Kandidati për deputet nga radhët e LDK-së, Fadil Aliu ka bërë të ditur se sonte së bashku me kryetarin e LDK-së, Lumir Abdixhiku, dhe drejtoreshën e Arsimit të Kryeqytetit Jehona Lushakun, në shkollën “Emin Duraku”, në Prishtinë, kanë shpalosur programin e LDK-së për arsimin.
Postimi i plotë i Aliut:
Së bashku me kryetarin e LDK-së, kryeministrin në ardhje Lumir Abdixhiku, dhe drejtoreshën e Arsimit të Kryeqytetit Jehona Lushakun, në shkollën “Emin Duraku”, në Prishtinë, sonte shpalosëm programin e LDK-së për arsimin si dhe biseduam për problemet aktuale me të cilat po ballafaqohet arsimi sot.
Në këtë takim, ritheksuam vizionin e LDK-së, që Kosova të zhvillohet drejt një shoqërie të dijes, të integruar në rrjedhat evropiane të arsimit dhe të shkencës.
Një gjë e tillë arrihet vetëm përmes mundësive të barabarta për arsim dhe zhvillim personal për
të gjithë qytetarët.
Po ashtu, theksuam se LDK-ja angazhohet për një sistem arsimor gjithëpërfshirës,
që siguron kushte për formim cilësor dhe në përputhje me nevojat e tregut të punës dhe të shoqërisë.
E ardhmja e shtetit dhe e shoqërisë është e sigurt vetëm me një arsim të fuqishëm.
Të rinjtë dhe të rejat e vendit tonë jo rrallë herë e kanë dëshmuar se janë pjesë e konkurrencës së fuqishme në fushën e dijes me bashkëmoshatarë të tyre nga vende të ndryshme të botës.
Prandaj, investimi në ta është investim në të ardhmen e vendit, e që kjo parashihet edhe në programin e LDK-së, “Rruga e Re”.
