Kryetari i Nismës Socialdemokrate, Fatmir Limaj, ka mbajtur sot një konferencë për media, ku është pritur nga një numër përkrahësish dhe bashkëpunëtorësh politikë. Konferenca është mbajtur në prag të një takimi të paralajmëruar për Kuvendin e Nismës, ku pritet të bëhen publike prurje të reja në subjektin politik.
Gjatë fjalës së tij, Limaj njoftoi se në ditët në vijim do të ketë zhvillime të rëndësishme brenda partisë, me theks të veçantë në zgjerimin e saj me figura të reja nga skena politike dhe shoqëria civile.
Ai theksoi se Nisma po punon në ristrukturim të brendshëm dhe hapje ndaj profileve të reja që ndajnë vlerat socialdemokrate./Raporto24
