Me përkushtim, disiplinë dhe paraqitje të shkëlqyera gjatë gjithë sezonit, ekipi i Fatosave nga Shkolla e Futbollit Liridoni – Podujevë është shpallur kampion në kategorinë U-13 për sezonin 2024/2025!
Ky sukses është fryt i punës së palodhshme të trajnerëve, përkrahjes së vazhdueshme nga prindërit dhe, mbi të gjitha, talentit dhe përkushtimit të futbollistëve të rinj, të cilët treguan zemër të madhe dhe shpirt gare në çdo ndeshje.
🔝 Shkolla e Futbollit Liridoni, e themeluar në vitin 2012, është dëshmuar si një qendër e zhvillimit të talenteve, nga e cila kanë dalë emra të njohur si:
Valmir Veliu Bekim Maliqi Granit Musa Arlind Veliu
Përveç suksesit në garat vendore, Liridoni ka përfaqësuar denjësisht Kosovën edhe në turne të ndryshëm ndërkombëtarë, duke sjellë trofe e mirënjohje.
🎉 Urime të gjithëve që kontribuan në këtë arritje të madhe!/Raporto24/
