FIBA ka njoftuar Federatën e Basketbollit të Kosovës që grupi për fazën e para-kualifikueseve të Kampionatit Botëror në eSports Basketboll eFIBA season 3 ka ndryshuar.
Ky ndryshim ka ardhur për shkak që Kosova të mos ndodhet në grupin e njëjtë me Serbinë.
Kosova tash do të jetë pjesë e Grupit A, bashkë me ekipet kombëtare të Francës, Britanisë së madhe, Italisë, Zvicrës, Suedisë dhe Greqisë.
Ndeshjet do te luhen me datë 8 dhe 10 tetor 2024.
Pesë nga këto shtatë ekipe kombëtare do të kualifikohen për fazën e dytë të kampionatit, kualifikueset regjionale.
