Në Podujevë është vendosur sot gurthemeli për ndërtimin e objektit të ri të shkollës “Nuhi Gashi” në Bradash të Podujevës.
Kryetari i Podujevës, Shpejtim Bulliqi thotë se objekti i ri kap vlerën prej 624 mijë euro.
“Objekti i ri, me një vlerë prej mbi 624 mijë euro dhe një sipërfaqe prej 1,330 m², do të ketë 10 klasa, kabinetet e nevojshme, hapësira për administratë si dhe tualete moderne, të përshtatshme edhe për fëmijët me nevoja të veçanta. E gëzofshin nxënësit, mësimdhënësit dhe i gjithë komuniteti i Bradashit këtë projekt”, shkroi Bulliqi.
Të pranishëm në ceremoni ishin edhe kryeministri në detyrë, Albin Kurti dhe ministrja në detyrë e Arsimit, Arbërie Nagavci./Telegrafi/
