Ron Zaiti ka folur së fundmi në emisionin “Krejt n’debat” lidhur me prishjen e marrëdhënies me këngëtaren Dafina Zeqiri, me të cilën ka bashkëpunuar më parë në disa projekte muzikore.
Artisti zbuloi se raporti mes tyre është ndërprerë për arsye personale, duke shtuar se në botën e biznesit dhe artit gjërat nuk janë gjithmonë ashtu siç duken. Sipas tij, shpesh lindin hatërmbetje mes njerëzve që ndikojnë si në raportet personale, ashtu edhe në ato profesionale.
“Me Dafina Zeqirin nuk kemi kontakt fare, nuk kemi asnjë lloj raporti,” deklaroi Zaiti gjatë intervistës. Ai sqaroi se marrëdhënia nuk është as e mirë, as e keqe, por një distancim i plotë që ka sjellë mungesë të çdo komunikimi, madje edhe për gjëra të thjeshta si një përshëndetje.
Zaiti theksoi se në të kaluarën ata kanë bashkëpunuar ngushtë në muzikë dhe kishin një raport profesional, por me kalimin e kohës dhe për shkak të disa situatave personale, kjo marrëdhënie është zbehur plotësisht.
Sipas tij, kjo është një situatë jo e pazakontë në botën e artit, ku bashkëpunimet mund të jenë të suksesshme, por edhe të ndërlikuara e të prishura nga konfliktet personale.
