Kompania Rajonale e Ujësjellësit “Prishtina” ka njoftuar se furnizimi me ujë të pijshëm po rikthehet gradualisht dhe pritet të stabilizohet gjatë ditës së sotme, shkruan Gazeta Sinjali.
Ndërprerja e furnizimit gjatë ditës së djeshme përfshiu disa zona si Prishtina, Fushë-Kosova, Obiliqi dhe Drenasi, për shkak të nivelit të lartë të turbullirës në kanalin e Ibër-Lepencit, që menaxhohet nga kjo kompani.
Në njoftim, kompania kërkon falje për shqetësimin dhe falënderon banorët për durimin, duke sqaruar se problemet u shkaktuan nga punime teknike në kanalin e përmendur.
