Kryediplomatja kosovare Donika Gërvalla mori shumë kritika për një deklaratë të saj, ku tha se nuk duhet të fajësohet Evropa për gabimet e Kosovës. Lidhur me këtë, i reagoi edhe ish-ambasadorja në SHBA, Vlora Çitaku.
Për këtë kritikë që ja bëri Çitaku, gazetarët e pyetën sot Gërvallën gjatë një vizitë që e pati kjo e fundit në Aeroportin e Prishtinës.
Megjithatë, Gërvalla nuk ka pranuar të përgjigjet, derisa thotë se deklaratat e saj janë shtrembëruar.
“Kam ardhur në Aeroportin e Prishtinës për t’i uruar mirëseardhje mërgatës, që do të jetë e pranishme gjatë kësaj vere. Pyetjet e natyrës politike, t’i shtroni aty ka e kanë vendin. Për cilat deklarata e keni fjalën, për ato që kam thënë unë, apo për ato që shtrembërohen”, ka thënë ajo.
Ndryshe, Gërvalla edhe në një reagim ditë më parë, tha se deklaratat e saj po shtrembërohen në raportimin e mediave.
Për këtë paraqitje, ajo ka marrë shumë kritika, derisa i është kërkuar edhe dorëheqja nga posti i Ministres së Punëve të Jashtme.
