Njëzet e katër orë pas vrasjes së një zyrtari policor, Gazetari dhe Kryeredaktori i Kallxo.com ka ngritur disa pyetje në lidhje me veprimet dhe reagimin e autoriteteve. Në një postim në Facebook, ai ka kërkuar sqarime mbi disa çështje kyçe që lidhen me hetimet dhe komunikimin publik të policisë.
Ndër pyetjet që ai ka ngritur janë:
Pse policia nuk ka mbajtur një konferencë për mediat për të sqaruar rrethanat e ngjarjes? Pse ende nuk është shpallur një shpërblim nga policia apo Ministria e Punëve të Brendshme për informacione që mund të çojnë në identifikimin e autorëve? Pse nuk është publikuar një përshkrim fizik i të dyshuarve? Pse nuk është krijuar një linjë e dedikuar për ndarjen e informacioneve?
Ai thekson se, pavarësisht motiveve të ngjarjes, vrasja duhet të zbardhet sa më shpejt dhe autorët të vihen para drejtësisë,Raporto24
