Një ngjarje e rëndë ka ndodhur në një familje në fshatin Shtedim të Podujevës, ku familjari i tyre 67-vjeçar, u gjet pa shenja jete, në mes të rrugës, mëngjesin e sotëm. I ndjeri kishte dalë me biçikletë, por nuk u kthye në shtëpi i gjallë. Në vendin e ngjarjes ka dalë edhe Policia dhe Emergjenca, raporton Gazeta Sinjali.
Burimet nga Emergjenca kanë bërë me dije se bëhet fjalë për Gani Brahimin, vdekjen e të cilit e konfirmoi mjeku kujdestar, i cili pas ekzaminimit për shenjat vitale, ka konstatuar se viktima ka ndërruar jetë.
Sipas informacioneve që ka Sinjali, viktima vuante nga një sëmundje dhe dyshohet se shkaktari i vdekjes mund të ketë qenë gjendja e tij e rënduar shëndetësore. Ky lajm e pikëlloi familjen Brahimi, pasi e kuptuan se personi që u gjet pa shenja jete është familjari i tyre.
Në anën tjetër, Policia ka kryer ekzaminimet e nevojshme dhe janë marrë pamjet nga kamerat e sigurisë në atë pjesë, që do të dëshmojnë për rrethanat në të cilat ka vdekur 67-vjeçari. Me urdhër të Prokurorit të S
